"O‘zbekiston Respublikasi Davlat bayrog‘i to‘g‘risida"gi qonun 1991 yil 18 noyabrda O‘zbekiston Respublikasi Oliy Kengashining navbatdan tashqari o‘tkazilgan VII sessiyasida qabul qilingan. Davlat bayrog‘i va uning ramzi bugungi O‘zbekiston sarhadida qadimda mavjud bo‘lgan davlatlar bilan tarixan bog‘liqligini anglatadi hamda respublikaning milliy-madaniy an’analarini o‘zida mujassamlashtiradi.
Fursatdan foydalanib, barcha yurtdoshlarimzni ushbu qutlug‘ sana bilan muborakbod etamiz. Yurtimiz bayrog‘i dunyo hamjamiyatida baland-baland, yuksak marralar va yutuqlar og‘ushida doimo hilpirab tursin!
