Korovin to‘pponchasi

TK (Tulskiy, Korovina) - birinchi sovet seriyali o‘z-o‘zini o‘qlaydigan to‘pponcha. To‘pponchani yaratish bo‘yicha ishlar Tula qurol zavodining loyiha-konstruktorlik byurosida bo‘lib o‘tdi. 1926-yil kuzida konstruktor-qurolsoz S. A. Korovin TK (Tulskiy Korovina) nomini olgan to‘pponchani ishlab chiqishni tugatdi. 1926-yil oxirida TOZ to‘pponcha ishlab chiqarishni boshladi, keyingi yili to‘pponcha qo‘llash uchun ma’qullandi va "Tulskiy, Korovin to‘pponchasi, 1926-yil namunasi" rasmiy nomini oldi.

TK to‘pponchasi 6,35 mm. Brauning to‘pponcha patronlaridan foydalanishga mo‘ljallangan. Bu patronlar chorizm va fuqarolar urushi davridan beri zaxirada bo‘lgan, shuningdek, 1910/14 Mauser to‘pponchalari bilan birga Germaniyadan olib kelingan.

Xususiyatlari

Kalibr - 6,35 mm Browning
Qurolning uzunligi - 127 mm.
Stvolining uzunligi 67,5 mm.
Qurolning balandligi - 98 mm.
Qurolning eni -24 mm.
Og‘irligi - 423 g / 485 g (jihozlangan o‘qdon bilan).
O‘qdonning sig‘imi 8 ta patron.
Ravishlar soni 6 ta.
Boshlang‘ich tezligi - 228 m/s.
O‘qning og‘iz energiyasi 83 J.
Mo‘ljalga olish masofasi - 25 m.
R100 15 metrga - 200 mm.
R100 25 metrga - 250 mm.