QIZIL BAYROQLI 128- TURKISTON GVARDIYA TOG‘ O‘QCHI DIVIZIYASI JABGOVAR BAYROG‘I

QIZIL BAYROQLI 128- TURKISTON GVARDIYA TOG‘ O‘QCHI DIVIZIYASI
JABGOVAR BAYROG‘I

Boshlang‘ich nomi-83-tog‘ o‘qchi diviziya.
1941-yil avgustida 53-alohida O‘rta Osiyo armiyasi tarkibida Eronga kirdi. Oliy Bosh Qo’mondonning 1942-yildagi buyrug‘i bilan Meshxed shahridan Qora dengiz (18 A) guruhi tarkibiga qo‘shib yuborildi.
Tamansk yarim oroli ozodligida ko‘rsatgan jasorati uchun OBQ ning buyrug’i bilan1943-yil 9-oktabridan 128-Turkiston gvardiyasining tog‘ o‘qchi diviziyasiga aylantirildi.
1944-yil bahorida Alohida Primorsk Armiyasi hujum operatsiyasida ishtirok etgan.
Ko‘rsatgan qahramonliklari va jangovar san‘ati uchun 128-chi gvardiya Turkiston tog‘ o‘qchi diviziyasi va uning 315-gvardiyachi tog‘ o‘qchi polki Qizil Bayroq ordeni bilan taqdirlangan.
323-gvardiya tog‘ o‘qchi polkiga Yaltinsk faxriy nomi berilgan.
327- gvardiya tog‘ o‘qchi polkiga Sevastopolsk faxriy nomi berildi.
1944-yil kuzida Karpat uchun kechgan janglarda ko’rsatgan jasoratlari   uchun diviziya OBQdan tashakkurnoma olgan, Yaltinsk Qizil Bayrog‘li 323-gvardiya tog‘ o‘qchi polki va Sevastopolning 327-gvardiya tog‘ o‘qchi polklari II-darajali Bogdan Xmel`nitskiy ordenlari bilan taqdirlangan, 331-gvardiya artilleriya polkiga esa Karpat nomi berilgan.
Urushning yakunlovchi bosqichida Turkiston 128-gvardiya tog‘ o‘qchi diviziyasi 4-Ukraina fronti 38-armiya tarkibida Chexoslovakiya ozodligi uchun janglarda qatnashgan.
Urush yillarida diviziya OBQ tomonidan 12ta tashakkurnoma olgan.
20 mingdan ko‘proq jangchilari orden va medallar bilan taqdirlangan.
7 nafar jangchi Sovet Ittifoqi Qahramoni unvoniga munosib deb topilgan.
19 nafar jangchi “Slava”ordeninig to‘liq nishondori bo’ldi.