QIZIL BAYROQLI “NOVGOROD-SEVERSKIY” NOMLI II-DARAJALI SUVOROV ORDENI SOHIBI 162-O‘RTA OSIYO O‘QCHI DIVIZIYA JANGOVAR BAYROG’I

QIZIL BAYROQLI “NOVGOROD-SEVERSKIY” NOMLI II-DARAJALI SUVOROV ORDENI SOHIBI 162-O‘RTA OSIYO O‘QCHI DIVIZIYA
JANGOVAR  BAYROG’I

1942-yil oktabrida Toshkentda Turkiston HO Ichki ishlar xalq komissarligining chegara qo‘shinlari qisminidan polkovnik S. Ya. Senchilo boshqaruvida 162-O‘rta Osiyo o‘qchi diviziyasi tashkil etiladi. Shaxsiy tarkib asosan mahalliy aholi orasidan, chegarachilardan, Toshkent piyodalar bilim yurti bitiruvchilaridan va Harbiy akademiya ofitserlaridan tashkil topadi. Diviziya shtabi Ichki Ishlar Xalq komissarligining chegara qo‘shinlari bilim yurtiga joylashtiriladi.
1942-yilning dekabrida diviziya Zlatoustga ko‘chirilib, 70- alohida armiya tarkibida Yeletsga ko‘chirildi. 1943-yil qishki hujum operatsiyasida birinchi jangovar topshiriqni oldi va Kursk ostonasidagi “Kursk-Orlovskaya duga” tarixiy jangida qatnashdi. Polkovnik Senchilo Rechitsk shahrigacha jangovar harakatlarni muvaffaqiyatli boshqardi.
1943-yilning oktabridan 1944-yil yanvarigacha diviziyani polkovnik Chernyak boshqardi va Rechitskdan Brodagacha bo‘lgan jangovar yo‘llarni bosib o‘tgan.
  1944-yil iyun oyidan Broddan 1945-yil nemis shaharlari Bad-Daberanga g‘alabali soatlarga qadar diviziyani polkovnik A. O. Muratov muvaffaqiyatli boshqardi.
Diviziya urush yillarida 65,13,70-armiya tarkibi bilan Dmitrov-Orlovsk, Sevsk, Novgorod, Sandomir, Varshava , Moldilin, Torn, Xoynitse, Tuxol, Dantsig, Shvedt, Bad-Daberan va boshqa yirik davlatlar ozodligi uchun kurashlarda qatnashgan.
1943-yil 18-noyabr kuni Rechitsa shahrining qo‘lga olish jangovar operatsiyani muvaffaqiyatli amalga oshirgani uchun diviziya Qizil Bayroq ordeni bilan taqdirlangan.
Dina, Dnepr, Soj, Visla, Oder va boshqa yirik daryolarni kechib o‘tgan.
Novgorod-Severskiy shahrining ozodligi uchun va Desna daryosini kechib o‘tishda qahramonlik va mardlik ko‘rsatgani uchun diviziya jangchilari II-darajali Suvorov ordeni hamda “Novgorod-Soverskiy” faxriy nomi bilan taqdirlangan. Ko‘plab jangchilar Sovet Ittifoqi Qahramoni unvoni va minglab jangchilar hukumat mukofotlari bilan taqdirlandilar. Ushbu janglarda ishtirok etgan jangchilarga Oliy Bosh qo‘mondonning minnatdorligi e‘lon qilinib, Moskvada 224 to‘pdan iborat 20 artilleriya salyuti berilgan.
Diviziya chegarachi S. Ya. Senchilo, polkovnik Chernyak, polkovnik A. O. Muratov boshchiligida Kurskdan Rostok shahrigacha, Bad-Doberandan Boltig‘ dengizi sohili Germaniyagacha jangovar yo‘llarni bosib o‘tgan.
Diviziya jangchilari G‘alabani yaqinlashishiga o‘z hissalarini qo‘shdilar.
Diviziya tarkibiga quyidagilar kirishgan:
224-Pomir o‘qchi polki;
209-Zaysansk o‘qchi polki;
194-Toshkent o‘qchi polki;
369-Ashxobod artilleriya polki;
85-artilleriya divizioni;
79-tibbiyot-sanitariya batalyoni.