35-ALOHIDA O‘QCHI BRIGADA JANGOVAR BAYROG‘I

35-ALOHIDA O‘QCHI BRIGADA

JANGOVAR BAYROG‘I

35-alohida o‘qchi brigada 1941-yil oktabr-noyabr oylarida Chirchiq shahrida tashkil topgan.

Brigada komandiri etib podpolkovnik Budixin Pyotr Kuzmich tayinlandi. Toshkent piyodalar bilim yurti, Alma-Ata pulemyotchilar bilim yurti kursantlari, shuningdek, Toshkent muhandislik irrigatsiya va mexanizatsiya qishloq xo‘jaligi instituti,Toshkent politexnika va tibbiyot instituti, Toshkent davlat universitetining talabalari va gospitalda davolanib chiqqan Qizil Armiya jangchilari Brigada tarkibiga qo‘shildilar. O‘rta Osiyo harbiy okrugi kadrlar bo‘limining 356-sonli buyrug‘iga asosan 1941-yil 24 oktabrdan Lenin nomidagi Toshkent piyodalar bilim yurtining 400 nafar jangchilari 35-alohida o‘qchi brigada komandirining ixtiyoriga yuborildi.

35-alohida o‘qchi brigadaning eng qiyin kunlari 1941-yil noyabrida Istrinsk-Voloskolomsk yo‘nalishidagi Moskva uchun janglarda bo‘lgan.

1941-yil dekabr oyida Solnechnogorsk shahri hududining Moskva ostonasidagi g‘arbiy frontida 20-armiya tarkibidagi 35-alohida o‘qchi brigadasi avvaliga mudofaa, keyinchalik esa Moskvaga egallashga intilayotgan fashist qo‘shiniga qarshi muvaffaqiyatli hujumga o‘tdi. Solnechnogorskni ozod qilish uchun Butirki va Strelino qishloqlari janubiy-sharqiy hududlarini bosib o‘tdi.

1943 yil iyunida 35-alohida o‘qchi brigadasi (1943-yil 16-iyunda Smolensk viloyati Dorogabuj shahri hududida (Moskvadan 265 km) to‘liq qaytadan shakllantirildi) 35-brigadaning shonli tarixini davom ettirgan holda 208-alohida o‘qchi diviziyasini tashkil etish uchun yuborildi.