36-ALOHIDA O‘QCHI BRIGADA JANGOVAR BAYROG‘

36-ALOHIDA O‘QCHI BRIGADA

JANGOVAR BAYROG‘I

 36-alohida o‘qchi brigada 1941-yil 25-oktabridan 19-noyabrigacha Samarqand shahrida harbiy bilim yurtlari kursantlari va O‘zbekiston, Turkmaniston va Qozoqiston respublikalari chaqiriluvchilari tarkibidan tashkil topgan.

29-30.11.1941-yili brigada Ximki stantsiyasida tushib, Cherkizov- Novodmitriyev- Kuskov mudofaasini egalladi.

7.12.1941-yildan-23.01.1942-yilgacha hujum janglarini olib bordi va Moskva viloyatining  120 ta  aholi punktlarini, jumladan, Rojdectvennya, Kryukov, Monixino, Istra, Chertranov, Vnukova va boshqalarni ozod etdi.

1942-yil 36-alohida  o‘qchi brigada Moskva va Smolenskda mudofaa va hujum janglarini olib bordi.

1943-yil martida brigada Smolensk viloyatidagi hujum janglarini olib bordi.

1943-yilning aprel-dekabr oylarida G‘arbiy front tarkibi bilan mudofaa va hujum janglarida ishtirok etdi.

1943-yilning dekabr oyidan 1944-yilning yanvar oyigacha Vitebsk-Orsha tumanida hujum janglarini olib bordi.

1944-yil 12-fevral kuni 36-alohida o‘qchi brigada Bukshtani qishlog‘ida jang olib bordi.

1944-yil 8-10 may kunlari brigada tarqatib yuborildi va uning qismlari            5-armiya qo‘shilmalariga berildi.

36-alohida o‘qchi brigada o‘zining jangovar yo‘lida 300ga yaqin aholi punktlarini ozod etdi, 3000 ga yaqin brigada jangchilari orden va medallar bilan taqdirlanishdi.