Logo

IKKI MARTA QIZIL BAYROQLI, SUVOROV VA KUTUZOV ORDENLARI SOHIBI, 69- SEVSK O‘QCHI DIVIZIYASI JANGOVAR BAYROG‘I

  1. Jangovor bayroqlar
  2. IKKI MARTA QIZIL BAYROQLI, SUVOROV VA KUTUZOV ORDENLARI SOHIBI, 69- SEVSK O‘QCHI DIVIZIYASI JANGOVAR BAYROG‘I
Image

IKKI MARTA QIZIL BAYROQLI, SUVOROV VA KUTUZOV ORDENLARI SOHIBI, 69- SEVSK O‘QCHI DIVIZIYASI
JANGOVAR BAYROG‘I

Diviziya 1941-yil 22-dekabr kuni Toshkent, Farg‘ona va Olma-Ota shaharlari mudofaa ishlari bo‘limlaridagi harbiylaridan Toshkent va Chirchiqda  461-o‘qchi diviziya etib tashkil qilingan.
1942-yil 4-yanvarda 69-o‘qchi diviziya deb o‘zgartirildi.
Ikkinchi Jahon urushi yillarida  01.04.1942-yildan 04.02.1943-yilgacha va 18.02.1943-yildan 09.05.1945-yilgacha armiya saflarida.
1942-yil 15-fevralidan 20-fevraligacha diviziya Toshkentdan Bobrovga (Privoljsk harbiy okrugi) ko‘chirildi, 1942-yilning martida Tulaga joylashdi.
1943-yil fevral oyining boshida diviziya Orlovsk viloyati Livni shahriga o‘tkazildi.
1943 yilning birinchi yarmida Kursk yoyida shafqatsiz janglar olib borgan.
26.08.1943-yil hujumning birinchi kunidayoq, Sev daryosini kechib o‘tib, jang davomida 40ta o‘q-dori va harbiy buyumlar omborini qo‘lga olib, Novo-Yamsk qishlog‘ining yarmini egalladi.
27.08.1943-yili 103-tank brigadasi bilan birgalikda Sevsk shahrini ozod etib,   Mixaylovsk (Drujba), Shostka, Novgorod-Severskiy shaharlarini ozod etishda ishtirok etdi.
07.09.1943-yil hujum bilan Desnani kechib o‘tdi.
1943-yil 13-sentabrgacha Sverdlovka-Kudlayevka yo‘nalishidagi platsdarmni kengaytirish uchun jangalar olib borgan.
1943-yil 29-sentabridan 30-sentabrigacha Soj daryosini kechib o‘tgan.
1943-yil 15-oktabrda Dneprni kesib o‘tib, daryoning g‘arbiy sohilidagi 40 kvadrat kilometrcha keladigan platsdarmni qo‘lga oldi va unga mustahkam joylashib olib, korpus qismlari va armiya qo‘shilmalarini daryoning o‘ng sohiliga o‘tishini ta`minlab berdi.  1943-yil noyabr oxirigacha janglar olib bordi.
1944-yil boshida Kalinkovich-Mozir yanvar operatsiyasida ishtirok etgan.
Diviziya 1944 yilning 23-29 iyunlarida Bobruysk operatsiyasida ishtirok etgan. Osipovich tumanida hujumga o‘tayotgan dushman qismlari bilan og‘ir janglar olib borgan,  diviziya 3186 nemis askar va ofitserlarini asir oldi.
Diviziya hujum janglarida qolgan diviziyalardan tezroq harakatlanib, Shara daryosini kechib o‘tib, Baranovich tumani ozodligi uchun janglarda ishtirok etgan. G‘arbiy Bugni kesib o‘tib, kavaleriya eskadroni Sovet Ittifoqi davlat chegarasiga chiqib qizil bayroqni o‘rnatdi. 05.09.1944-yildan 1945-yil yanvarigacha diviziya qismlari Narevsk platsdarmida janglarni olib bordi.
Platsdarmdan Sharqiy-Prussiya operatsiyasiga hujumga o‘tdi, yanvar oyining oxirida Grudzendzu yoniga chiqdi, 1945-yil yanvar oyining oxirida Vislani kesib o‘tdi, 28.03.1945-yili janglar bilan Dantsigga yetib bordi.
Urush yillarida diviziya 5000 dan ko‘proq aholi punktlarini ozod qildi.
17000ga yaqin jangchi va komandirlar qo‘shilib urush yillarida orden va medallar, 52 tasi Sovet Ittifoqi Qahramoni unvoni bilan taqdirlangan. Diviziya polklari plakatlarida 14ta harbiy ordenlar mavjud.