“RAZGROM” BRIGADASI “ISKRA” PARTIZANLAR OTRYADI BAYROG‘I

“RAZGROM” BRIGADASI “ISKRA” PARTIZANLAR OTRYADI
BAYROG‘I
“RAZGROM” brigadasi Ikkinchi Jahon urushi yillarida Belorussiya hududida faoliyat olib borgan yirik partizan qo‘shilmalaridan biri edi.
Minsk hududidagi tumanlararo yashirincha komitetining KP(b) 1942-yil oktabrdagi qarori asosida tashkil topgan.
1944-yil 2-iyulda 6 otryadi bilan Qizil Armiya safiga qo‘shildi.
Brigada tarkibiga 6 otryad va 2 mingga yaqin jangchi kirar edi. Brigada tezda Minsk viloyatining birnecha tumanlari hududlarida harakatlari boshlab yubordi. Yirik operatsiyalarda ishtirok etdi. Uning hisobida 300ga yaqin halokatga uchratgan dushman poyezdlari va 14,5 minga yaqin yo’q o`ilingan fashistlar bor. Partizanlarning o‘z bosmaxonalari, serjantlar maktabi, gospitali, 200ga yaqin qurol ishlab chiqaradigan qurol ustaxonasi bor edi. Belorus partizan otryadlari orasida  “Razgrom” brigadasining “Iskra” otryadi eng ko`pmillatli otryadlardan biri edi. Bunda 15 millat vakillari jang olib borishgan. Partizanlarning “Iskra” otryadida ko‘plab O‘zbekistonlik jangchilar ham bor edi:
P. Deryabin - “Iskra” otryadi komandiri, urushgacha Toshkent shahrida yashagan. Shaxsan o‘zi “Iskra” partizanlar otryadini uyushtirgan. Qizil Bayroq, Lenin ordeni, I-darajali “Ulug‘ Vatan urushi Partizani” medallari bilan taqdirlangan.
Tashniyazov Gantay - “Iskra”otryadining qo‘paruvchilik guruhi komandiri. Toshkentda tug‘ilgan. 1941-yildan urush qatnashchisi. 1944 yil fevralida Smiki qishlog ‘idagi jangda qahramonlarcha halok bo‘lgan. Qizil Yulduz va I-darajaliUlug‘ Vatan urushi ordenlari bilan taqdirlangan. Sovet Ittifoqi Qahramoni unvoniga loyiq deb topilib, hujjatlari tasdiqlash uchun rahbariyatga samolyotda yuborilgan, lekin samolyot urib tushirilgan.
Xalikov Mamayakub - “Iskra” partizanlar otryadining qo‘paruvchisi. Yatkurgan tumanining “Pravda” kolxozida tug‘ilgan.
Peshkov qishlog‘ida nemis garnizonini qo‘porish mobaynida dushman eshelonini portlatishda ishtirok etgan. 1944-yil 28 may kuni yaralandi. 1945-yili jarohati tufayli vafot etdi. Qizil Bayroq va Qizil Yulduz ordenlari bilan taqdirlangan.
Prokop`yev Ivan Alekceyevich - “Iskra” otryadining guruh siyosiy xodimi. Farg‘ona viloyatida tug‘ilgan. Qizil Yulduz ordeni bilan taqdirlangan.
Jangovar Bayroq bolalar odeyalidan tayyorlanib, undagi yozuvlar “Iskra” otraydi ayollari tomonidan qo‘lda tikilgan.
“Iskra” partizanlar otryadi Bayrog‘ining asl nusxasi Belorusiya Respublikasi Ulug‘ Vatan urushi tarixi Davlat muzeyida saqlanmoqda.