Терехин Михаил Михайлович
1923 йил 12 декабр куни Қирғизистон Республикаси Фрунзе (ҳозирги Ўш) вилоятида туғилган. 1941 йил 14 октябрда Наманган вилояти Наманган шаҳар ҳарбий комиссариатидан лейтенант унвонида урушга сафарбар этилган. Урушда 8-гвардия механизациялашган бригадасининг 358-гвардиячи зенит авиаполки таркибида командир ёрдамчиси лавозимида жанг қилган. Орёл, Брянск, Рига ва Польшанинг Гданск шаҳарларини озод қилишда ва Берлинни забт этиш учун бўлган жангларда қатнашган. 1945 йилнинг май ойида Собиқ Совет иттифоқи ҳукумати қарорлари билан I ва II -даражали “Ватан уруши” орденлари билан ва келгусида бошқа медаллар, кўкрак нишонлари билан такдирланган. Урушдан сўнг катта лейтенант унвонида Наманган вилоятига қайтиб, кўп йиллар Наманган шаҳридаги ДОСААФ жамияти раиси ўринбосари лавозимида хизмат қилган. 2003 йилнинг 14 август куни Наманган шаҳрида 80 ёшида вафот этган.<br /><br />Ғалаба боғига мурожаат юзасидан қидирув натижасида аниқланган.
